Mae ein clybiau yn cynnig ffordd newydd o drafnidiaeth hygyrch a fforddiadwy sydd yn dda dros yr amgylchedd, gan dynnu cymunedau at ei gilydd.”
— Tom Simone, Prif Swyddog Cymunedol TrydaNi
Ydych chi’n barod i ail-wefru eich ffordd o deithio?
Mae TrydaNi yn cynnig ffordd fodern, werdd, ac eithriadol o gyfleus i deithio heb lygru’r amgylchedd a gwagio’ch waled. Fel un o fentrau mwyaf cyffrous Cymru sydd gyda phartneriaethau ledled Ewrop, mae TrydaNi yn cynnig gwasanaethau ceir trydan ar gyfer cymunedau dros Gymru – gan gynnwys ein cymunedau ni yng Ngwynedd! Dyma’ch cyfle chi ymuno â theithio’n wyrdd, yn rhad, ac yn gyfforddus.
Fel rhan o Gynllun Gweithredu Hinsawdd Dyffryn Ogwen, un o weithredoedd pwysig GwyrddNi oedd sicrhau trafnidiaeth werdd yn y cymunedau, gan annog llai o ddefnydd o geir personol, a sbarduno cyfleoedd i ddefnyddio ceir cymunedol. Mae cydweithio gyda TrydaNi yn galluogi i ni roi’r weithred yma ar waith, a chynnig trafnidiaeth gyhoeddus ac actif sy’n hwylus i’w ddefnyddio, gan leihau allyriadau carbon. Mae ymuno â TrydaNi yn gyfle gwych i barhau i ddatblygu gweithredoedd lleol GwyrddNi, ac yn ffordd ardderchog o sicrhau dyfodol glân a chynaliadwy yn eich ardaloedd chi.
Fel tîm bach o weithwyr angerddol, mae TrydaNi yn parhau i ddatblygu dros Gymru, ac mae’r niferoedd sydd yn ymuno yn cynyddu’n sylweddol. A wnewch chi ymuno a’ch hybiau lleol?
Hybiau Lleol
Bethesda
“Mae gan glwb ceir Bethesda 85 o aelodau bellach. Ym mis Ebrill, gyrrwyd cyfanswm o 5,110km gyda’r ddau gar”
Mae 2 gar trydan cyfforddus ar gael i drigolion ardal Bethesda. Mae’r ceir yn cael eu pweru yn Llyfrgell Gymunedol Bethesda, ac ar gael i bawb – does dim angen i chi fod wedi dreifio car trydan yn flaenorol!
Penygroes
Mae car trydan cyntaf Penygroes ar y ffordd! Mi fydd y car yn cael ei bweru yn Yr Orsaf yng nghanol Penygroes, ac felly mi fydd gan bawb fynediad ati.
Rydym yn annog aelodau lleol i ymuno nawr!
Mi fydd noson lansio’r car yn cael ei gynnal yn fuan, felly cadwch lygad allan am ddyddiad a dewch draw i’w weld.
Menter Arloesol ledled Gymru
Mae TrydaNi yn galluogi i filoedd o bobl dros Gymru i deithio’n hygyrch a gwyrdd, ac yn ddiweddar, maent wedi cyrraedd carreg-filltir yn Aberystwyth o dros 100 o ddefnyddwyr actif.
“Mae’n wasanaeth anhygoel dwi’n ei ddefnyddio pan dwi’n gweithio i ffwrdd – dwi’n hawlio milltiroedd yn ôl o’r gwaith fel petai’n gar fy hun! Rydyn ni wedi mynd o gael dau gar y llynedd i ddim ond un car teulu nawr, gan ddefnyddio’r car trydan cymunedol pan fo angen. Mae hefyd wedi lleihau straen i mi ac wedi arbed arian!”
– Al Cowlishaw.
Gwasanaeth Gwych a Chefnogaeth Di-Baid
Ydych chi’n nerfus am ddreifio car trydan am y tro cyntaf? Peidiwch bod! Mae tîm TrydaNi ar gael i leddfu’ch poenau.
Mae gwasanaeth TrydaNi yn cynnig sesiynau ymgyfarwyddo cyfeillgar ac astud i aelodau sydd yn newydd i ddreifio ceir trydan – mi fyddwch chi’n hyderus i ddreifio ceir trydan mewn dim o bryd!
Mae gan TrydaNi hefyd linell cymorth sydd ar gael i gefnogi gyrrwyr ledled Cymru, pan fo problem technegol neu os ydych eisiau ychydig o heddwch meddwl. Nid dim ond gofalu am y gymuned mae TrydaNi, ond am gymdogion hefyd.
Hawdd, Hynod a Hydrin
Lleisiau defnyddwyr TrydaNi
Megan Meeke – Bethesda
“Does gen i ddim trafferth mynd i ble bynnag dwi angen mynd. Er enghraifft, dwi wrthi’n cefnogi rhywun yn Nolgellau ar hyn o bryd, sydd tua 50 milltir i ffwrdd. Dwi’n gallu mynd yno ac yn ôl, gollwng y car, ac mae dal 50% o wefr ar ôl ynddo!”
Hannah Mefin – Bethesda
“Mae llawer o fanteision personol i yrru car trydan. Nid yn unig y mae’n wych i’r amgylchedd, ond mae hefyd yn braf cael gyrru car heb orfod meddwl am waith cynnal a chadw. Mae’n deimlad mor braf cael gyrru car glân a chyfforddus. Rydw i wedi gallu cael gwared ar fy ail gar, ac wedi arbed arian drwy ddefnyddio’r car cymunedol hwn yn ei le.”
Angharad
Cliciwch a gwrandewch ar brofiad Angharad yn defnyddio un o geir Bethesda:
Fforddiadwy a Dibynadwy
Gydag argyfwng costau byw yn pwyso’n drymach fyth, gall defnyddio ceir trydan TrydaNi fod yn un baich ariannol yn llai i chi. Am ddim ond £2 yr awr, ac 16c y miilltir, gallwch yrru’n gyfforddus ac yn gynaliadwy heb orfod torri’r banc.
Pencampwyr Cymunedol
Bod yn rhan o’r ateb: Dewch yn Bencampwr Cymunedol!
Nid gwasanaeth llogi ceir yn unig yw TrydaNi, ond mudiad sy’n rhoi perchnogaeth yn ôl i’r gymuned. Drwy’r cynllun Pencampwyr Cymunedol, gallwch chwarae rhan allweddol yn sicrhau cynaliadwyedd eich clwb lleol ac ennill credydau gyrru gwerth hyd at £25 fesul tasg. Rydym yn chwilio am aelodau gweithgar sydd wedi ymuno â TrydaNi ers dros fis i helpu gyda thasgau fel cadw’r ceir yn lân, cynnal gwiriadau misol, a recriwtio aelodau newydd. Mae’n ffordd berffaith o gael eich gwobrwyo am ofalu am eich ardal a helpu eraill i droi at yr elfen drydanol.
Rydym eisoes yn gweithio gyda thua thri Phencampwr ym mhob ardal, ac mae’r cyfle nawr i chi ymuno â nhw!
Dyfodol Disglair a Di-lygredd
Byddwch yn rhan o DrydaNi wrth iddynt adeiladu ar lwyddiannau parod a parhau i ddatblygu yn y blynyddoedd i ddod – gan wella’ch bywyd yn uniongyrchol a’r amgylchedd, un car ar y tro.
Mae TrydaNi yn gobeithio datblygu a chael mwy o geir ledled Cymru, gan gynnwys mewn cymunedau gwledig. Maent yn gweithio’n galed i ddatblygu’r ddarpariaeth o drafnidiaeth lân, ac yn annog chi, drigolion lleol, i ymuno a defnyddio’r ceir hygyrch yma.
Ymunwch â menter TrydaNi. Gyrrwch gar glân. Lleihewch eich llygredd lleol.
Cerwch Amdani!
Ymunwch, Archebwch, Mynd!
Dilynwch y ddolen isod i ymuno â TrydaNi ac am fwy o wybodaeth:
