Un o’r cynlluniau a gafodd ei gynnwys yn Cynllun Gweithredu Cymunedol Dyffryn Ogwen oedd cynnal Gŵyl Hinsawdd. Pwrpas yr ŵyl oedd i cynyddu ymwbyddiaeth o’r argyfwng hinsawdd, hyrwyddo’r Cynllun Gweithredu a gwaith y Cynulliad Cymunedol, a rhannu gwybodaeth am datrysiadau lleol sydd eisioes ar waith.
Fe penderfynnodd yr Aelodau Cynulliad ar Mai’r 1af fel dyddiad, un arwyddocaol fel dathliad Calan Mai. Doedd dim llawer o amser i fynd ati i drefnu o diwedd y cynulliadau – 8 wythnos!
Daeth criw bychan et eu gilydd i rhoi pethau mewn lle gan gyfarfod yn gyson dros zoom, neu mewn tafarn i benderfyny be hoffai i’r ddigwyddiad fod. Roedd angen meddwl am stondinau a gweithgareddau, cysylltu hefo mudiadau lleol eraill, trefnu rhaglen siaradwyr, canfod cyllid, a hyrwyddo’r digwyddiad.
Fe ddaeth bob dim at ei gilydd yn gyflym ac ar y diwrnod roedd stondinau a gweithgareddau teuluol yn Llys Dafydd, rhaglen ddifyr llawn siaradwyr yn Neuadd Ogwen, taith i fyny i Hydro Ynni Ogwen a taith feics hynod boblogaidd o gwmpas Bethesda. Cawsom ychydig o gerddoriaeth byw, a roedd marchnad cynnyrch lleol hefyd wedi cael ei drefnu ar y diwrnod gan Cadwyn Ogwen lawr y lôn yn Cosyn!
Roedd y diwrnod yn lwyddiant, gyda dros 200 o bobl wedi mynychu a cysylltiadau newydd wedi ei gwneud. Rydym wedi llwyddo i recordio ambell un o’r sgyrsiau ac mi fydd allan ar ein ffrwd podlediadau yn fuan.(Gallwch wrando ar ein podlediad yma)
Rydym yn hynod ddigolchar i Elusen Ogwen ac i EGIN am y nawdd i gynnal y digwyddiad.
Mae’r criw bellach yn edrych ymlaen i gynnal gŵyl arall yn Mai 2024, ac i drefnu ambell beth cyn hynny.
Os hoffech wybod mwy am waith GwyrddNi yn Dyffryn Ogwen, neu helpu gyda’r ŵyl, neu unrhyw un o’r cynlluniau yn y Cynllun Gweithredu e-bostiwch chris@deg.cymru